Лукашысты хочуць дазволіць замежнікам служыць у беларускай арміі

Мінабароны падрыхтавала змены ў заканадаўства.

Замежнікам плануецца дазволіць служыць у беларускай арміі і ўнутраных войсках па кантракце, вынікае з паведамлення прэс-службы «савета рэспублікі нацыянальнага сходу» (СР НС), піша «Позірк».

2 чэрвеня на пасяджэнні экспертнага савета ў СР НС быў разгледжаны законапраект «Аб змяненні законаў па пытаннях праходжання ваеннай службы», распрацаваны Міністэрствам абароны.

Дакумент прадставіў начальнік Генеральнага штаба — першы намеснік міністра абароны Павал Муравейка. Экспертнае заключэнне даў старшыня пастаяннай камісіі Савета Рэспублікі па міжнародных справах і нацыянальнай бяспецы, былы міністр замежных спраў Сяргей Алейнік.

Сцвярджаецца, што законапраект накіраваны на ўмацаванне нацыянальнай бяспекі і вызначае прававыя падставы для праходжання замежнікамі ваеннай службы па кантракце ў Узброеных Сілах і ўнутраных войсках МУС. Дакумент прадугледжвае карэкціроўку шэрагу законаў і кодэксаў.

Згодна з законам «Аб ваінскім абавязку і ваеннай службе», ваенная служба па кантракце вызначаецца як «служба грамадзян, якую яны з мэтай выканання канстытуцыйнага доўгу па абароне Рэспублікі Беларусь добраахвотна абавязуюцца праходзіць у адпаведнасці з заканадаўствам на ўмовах заключанага кантракта».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com