«Жах, няма слоў»: у вялікім беларускім горадзе людзі займаюць чаргу ў ДАІ з вечара

Сітуацыя накаленая да крайнасці.

Карыстальніца Threads з Пінска паскардзілася ў гэтай сацсетцы на цяжкасці з запісам на экзамен у ДАІ. На момант публікацыі гэтага матэрыялу яе пост сабраў ужо больш за 35 тысяч праглядаў, піша «Зеркало».

«Серада, устаём а пятай раніцы, едзем займаць чаргу для сына ў Пінскае ДАІ. Людзей процьма, некаторыя стаяць з другой гадзіны ночы. А восьмай раніцы натоўп урываецца ўнутр, бярэм талон, 19-ы. Не праходзім, нам кажуць, і на заўтра ўжо ўсё распісана. <�…> Без настрою едзем дадому. Сын застаецца з інструктарам, катаецца», — распавяла жанчына.

Паводле яе слоў, на наступны дзень, у чацвер, а 1:38 ночы муж адправіўся займаць чаргу, там ужо былі людзі. «А 8-й раніцы бярэ талон на суботу. У суботу няма машыны. Пяць чалавек на здачу. Аплачваюць за „карч“ 30 р. Вынік: адзін чалавек здае, астатнія па дамах», — абурылася яна.

У каментарыях карыстальнікі дадалі, што сутыкнуліся з аналагічнымі праблемамі, хоць нядаўна ў горадзе адкрылі новы будынак, дзе прымаюць экзамен. «Людзям даводзіцца ездзіць у МРЭА іншых гарадоў, каб зрабіць усё як трэба. Нашае не спраўляецца», — адзначаюць яны.

Нашліся тыя, хто абурыўся, чаму дарослыя займаюць чаргу для сына. «Мы сыну спачатку не верылі. Тры суткі запар ездзіў у 5 раніцы. І я, і мая маці з сястрой думалі, што наш малы хлусіць. З’ездзілі самі з мужам, былі ў шоку. Жах. Няма слоў, адны мацюкі», — патлумачыла карыстальніца. «У іх адзін інспектар на ўвесь горад!!! На ўсе катэгорыі», — дзівіцца жанчына.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com