Зяленскі правёў сустрэчы з трыма генераламі

Адна з галоўных тэм перамоў — СПА.

Прэзідэнт Украіны Уладзімір Зяленскі правёў сустрэчы з трыма ўкраінскімі вайскоўцамі: камандуючым Аб'яднанымі сіламі ЗСУ Міхаілам Драпытым, намеснікам начальніка Генеральнага штаба ЗСУ Уладзімірам Горбатюком і камандуючым Дэсантна-штурмавымі войскамі ЗСУ Алегам Апостолам. Аб гэтым ён паведаміў у Telegram.

Паводле яго слоў, з дакладу Драпатага ён даведаўся пра сітуацыю на адпаведных напрамках у Сумскай, Харкаўскай, Луганскай і Данецкай абласцях.

- Удзячны ўсім нашым падраздзяленням, якія вынікова знішчаюць акупанта і не дапускаюць выканання пастаўленых перад расійскай арміяй задач, – адзначыў украінскі прэзідэнт.

Асобную ўвагу падчас размоваў надалі выкананню дамоўленасцяў з партнёрамі і пастаяннаму забеспячэнню паставак для абароны Украіны. Галоўным прыярытэтам, заявіў Зяленскі, застаецца СПА і поўнае выкананне кантрактаў на вытворчасць усіх тыпаў дронаў.

Трэцяя тэма, якая была ў полі зроку падчас размовы, – Аляксандраўскі напрамак фронту, актыўныя дзеянні ўкраінскіх дэсантна-штурмавых войскаў, паведаміў кіраўнік дзяржавы.

- Цаню аб'ектыўную ацэнку сітуацыі, падрабязны разбор ключавых патрэбаў карпусоў і брыгад на напрамках, прапановы па праблемных пытаннях і ліквідацыі дэфіцыту ў пастаўках, – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com