«Лекар не спаў больш за суткі і цяпер ставіць вам дыягназ»

Чаму абітурыенты не ідуць у медыцынскія ВНУ?

Карыстальнік Threads з нікам konstantyn_niescierowicz расказаў пра ўмовы працы ва многіх паліклініках і бальніцах Беларусі.

«Ваш лекар не спаў больш за суткі і цяпер ставіць вам дыягназ, — піша ён. — Амаль палова беларускіх медыкаў рэгулярна працуе больш за 24 гадзіны запар, хаця такія змены наўпрост забароненыя Працоўным кодэксам. У сярэднім лекары працуюць 55 гадзін на тыдзень. 68% незадаволеныя ўмовамі працы. Вас яшчэ здзіўляе, чаму абітурыенты сёлета перадумалі ісці ў медыцынскія ВНУ?»

Некаторыя карыстальнікі адразу паправілі аўтара допісу, сказаўшы, што ім, як лекарам, даводзіцца працаваць да 80 гадзін на тыдзень. Сайт Charter97.org прыводзіць некаторыя каментары:

— 55 гадзін на тыдзень? Дзе столькі працуюць, вазьміце мяне. 80 мінімум

— І адпрацоўка пяць гадоў. Цяпер месцы зоймуць узбекі.

— Мы-то нічога, пацягнем і з дзяжурствамі. Пацыентаў шкада, якім мы, разсеяныя ад недасыпу і стомленасці, дыягназы ставім і лячэнне прызначаем.

— Якое шчасце, што я пасля медуніверсітэта ў Беларусі з’ехаў за мяжу.

— 320 гадзін у месяц — галоўнае, што выжыў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com