У дзікую прыроду Беларусі выпусцілі 46 еўрапейскіх ланей

Для аднаўлення рэдкага віду.

У паляўнічых угоддзях Любанскага раёна выпусцілі ў дзікую прыроду 46 еўрапейскіх ланей. Перад гэтым жывёлы сем месяцаў правялі ў спецыяльным вальеры, дзе праходзілі адаптацыю да новых умоў.

Цяпер яны пачынаюць самастойнае жыццё ў прыродным асяроддзі. Гэта падзея — важны крок для аднаўлення папуляцыі рэдкага для Беларусі віду, піша «Точка».

Сем месяцаў адаптацыі

Ланей прывезлі з Капыльскага раёна ў снежні 2025 года. Вальер, дзе іх утрымлівалі, размешчаны прыкладна ў 16 км ад Любані. Там жывёлы праходзілі ператрымку і прызвычайваліся да мясцовых умоў.

У Беларускім таварыстве паляўнічых і рыбаловаў адзначылі, што такі перыяд неабходны, каб лані лягчэй перанеслі выпуск і хутчэй асвоіліся на новым месцы.

Як выпускалі

Каб знізіць стрэс у жывёл, спецыялісты ўжылі так званы ціхі выпуск. Частку агароджы разабралі без лішняга шуму, пасля чаго лані самастойна пакінулі вальер.

Такі падыход дазваляе пазбегнуць панікі і дапамагае жывёлам спакайней успрыняць новае асяроддзе існавання.

Хто такія еўрапейскія лані

Лань — сваячка высакароднага аленя і казулі. Яна меншая за аленя, але буйнейшая за казулю: вышыня ў плячах дасягае 80–100 см. Самцоў лёгка пазнаць па шырокіх лапатападобных рагах. Летняя шэрсць жывёл пакрытая белымі плямамі, што робіць іх асабліва прыкметнымі.

Для дзікай фаўны Беларусі лань застаецца адносна рэднай жывёлай — устойлівыя групы сустракаюцца толькі ў асобных гаспадарках і рэгіёнах. Пры гэтым від не ўнесены ў Чырвоную кнігу Беларусі.

Што далей

Спецыялісты чакаюць, што ў першыя дні лані будуць трымацца непадалёк ад звыклай тэрыторыі. Для іх ужо арганізавалі дадатковую падкормку: усталявалі кармушкі і саланцы, забяспечылі свабодны доступ да вады.

Гэта дапаможа жывёлам лягчэй перажыць перыяд адаптацыі і хутчэй асвоіцца ў дзікай прыродзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com