Беларусам прыходзяць «лісты шчасця» за аўто, прададзенае 12 гадоў таму

У чым справа?

Сям’я прадала сіні VW Passat 1988 года выпуску яшчэ ў 2014-м. Але аўтамабіль не быў перааформлены, і штрафы былым уладальнікам прыходзяць дагэтуль.

Каб вырашыць праблему, папярэднія гаспадары звярнуліся ў рэдакцыю «АўтаГродна».

Паводле слоў чытачкі выдання, «Passat» дастаўся чалавеку з Гродзенскай вобласці, які абяцаў вось-вось прыехаць і юрыдычна завяршыць здзелку, але за 12 гадоў так і не з’явіўся. Пры гэтым «лісты шчасця» за ігнараванне хуткаснага рэжыму былым гаспадарам аўто рэгулярна прыходзяць з Воранаўскага раёна і Мінска. Сума штрафу звычайна складае 0,5 БВ (то-бок вадзіцель перавышае на 10—20 км/г).

Страхоўку на аўтамабіль таксама рэгулярна афармляюць. Напрыклад, дзейная была выпісаная ў Гродне 12 студзеня 2026 года.

Дзяўчына просіць цяперашняга ўладальніка адгукнуцца, сустрэцца ў ДАІ і завяршыць працэдуру 12-гадовай даўнасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com