Лукашэнка раздае буйныя прадпрыемствы Віцебскай вобласці сваім алігархам

Баскін і Мошэнскі атрымаюць іх бязвыплатна.

Дыктатар правёў нараду па асобных пытаннях сацыяльна-эканамічнага развіцця, перадае БелТА.

Адной з тэм стала мадэрнізацыя сельскагаспадарчай вытворчасці, у тым ліку перадача дзяржаўных актываў у аграпрамысловым комплексе ў кіраванне прыватным кампаніям. Пытанне разглядалася ў дачыненні да Віцебскай вобласці.

«Мы на прыкладзе Віцебскай вобласці разгледзім варыянт. Калі сказаць рэзка — прыватызацыі. Гэта падобна да таго, што мы дзяржаўную ўласнасць перадаем у кіраванне або адразу прадаем прыватным кампаніям», — адзначыў Лукашэнка.

На пачатку года быў вызначаны канкрэтны паэтапны антыкрызісны план для Віцебскай вобласці, дадаў ён. Адзін з яго элементаў — перадача недастаткова эфектыўных прадпрыемстваў у кіраванне новаму ўласніку.

Паводле гэтай стратэгіі было прынята рашэнне аб перадачы Аршанскага мясакамбіната агракамбінату «Дзяржынскі» і замацаванні асобных сельгасарганізацый Аршанскага раёна за ААТ «Савушкін прадукт». З інвестарам у асобе «Савушкіна прадукту» заключана дамова арэнды маёмасці ААТ «Полацкі малочны камбінат» для далейшага паскоранага развіцця.

Таксама на нарадзе ішла гаворка аб перадачы дзесяці арганізацый раёна і прадпрыемства «Віцебскі бекон» групе кампаній «Серволюкс». На першым этапе аблвыканкамам ужо прынята рашэнне аб перадачы паўнамоцтваў кіравання гэтымі сельгасарганізацыямі інвестару.

«Ідучы на такія рэформы, пра якія я кажу, нам трэба глядзець і на субсідаванне сельскай гаспадаркі. Каго субсідзіруем? Мошэнскага і Баскіна — я, для прыкладу, кажу, — звярнуў увагу Лукашэнка. — Людзі ж не бедныя, прыбыткі маюць добрыя. А ў гэтым прыбытку — частка субсідый і іншай дапамогі і падтрымкі з боку дзяржавы. Будзем падтрымліваць вяскоўцаў, сялян, але гэтая падтрымка павінна быць суразмернай».

Генеральны дырэктар ТАА «Санта-Імпэкс» — кіруючая кампанія холдынгу «Санта» Аляксандр Мошэнскі і старшыня рады дырэктараў ЗАТ «Серволюкс» Яўген Баскін — буйныя беларускія алігархі, якіх называюць «кашалькамі» Лукашэнкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com