Зяленскі абвясціў пра запуск Карпацкай ініцыятывы

Што гэта за фармат і якія краіны ўвойдуць.

Прэзідэнт Украіны Уладзімір Зяленскі па выніках сустрэчы з пасламі 3 жніўня паведаміў пра запуск Карпацкай ініцыятывы — новага фармату супрацоўніцтва краін Карпацкага рэгіёна, які будзе ахопліваць гуманітарныя і эканамічныя накірункі, а таксама пытанні бяспекі. Адпаведны допіс кіраўнік дзяржавы апублікаваў у Telegram.

Паводле яго слоў, у Карпацкую ініцыятыву павінны ўвайсці Украіна, Румынія, Аўстрыя, Сербія, Венгрыя, Польшча, Чэхія і Славакія.

«Чаму ўзнікла такая ідэя? Таму што не ўсе краіны гатовыя ўмацоўваць нас зброяй, але хочуць быць разам у гуманітарнай сферы, у сферы бяспекі, у эканоміцы. Думаюць пра аднаўленне Украіны. Гэта таксама важна. Калі краіны-суседзі думаюць пра аднаўленне, гэта таксама вера ў Украіну, у тое, што ўсё будзе мірна. І ў нас будзе мір. Гэта таксама важны сігнал», — адзначыў Зяленскі.

Прэзідэнт Украіны растлумачыў, што Карпацкая ініцыятыва аб’яднае краіны, звязаныя не толькі геаграфічна, але і агульнымі інтарэсамі ў галіне эканомікі і бяспекі. Паводле яго слоў, яна будзе датычыць развіцця лагістыкі, эканомікі, бяспекі, культуры і турызму.

Зяленскі паведаміў, што ўжо прадставіў гэтую ідэю прэзідэнтам Еўрапейскага савета і Еўрапейскай камісіі, якія, паводле яго слоў, успрынялі яе станоўча.

Першае мерапрыемства ў межах новага фармату плануюць правесці восенню, цяпер ідзе ўзгадненне дат.

Ён таксама адзначыў, што ў будучыні для развіцця рэгіёна плануецца рэалізоўваць асобныя праграмы ў сферах фінансаў, турызму, эканомікі і бяспекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com