Драпаты і «Мадзяр» наводзяць жах на расіян

Ідэалагічная перамога Украіны.

Знявер’е — тое, што нам удалося ўсяліць у расійскія масы. І найперш таму, што мы ім урэшце даказалі: мы можам тое, чаго не могуць яны. Нават самым ватніковым ватнікам. Нават тым, хто дзесяць гадоў жыў у няведанні і прыкідваўся, што іх не б’юць, а калі хто і б’е — дык гэта не тыя нешчасныя паўдурныя ўкраінцы, а сусветны ўрад і каралева Лізавета (хоць ужо і памерлая).

Камбінаваныя ўдары па энергетыцы і па Wildberries пераканалі іх у тым, што гэта ўсё ж такі ўкраінцы. Вось дрон за акном, вось слуп дыму, а вось ты ўключаеш VPN, заходзіш у Threads і можаш наўпрост паразмаўляць з SMM-шчыкамі падраздзяленняў, якія запускалі гэтыя дроны. Яшчэ і відэа паглядзець, як менавіта па табе лупяць. З розных ракурсаў.

І асобна, дарэчы, яны ўбачылі сістэмную перавагу сітуацыі, у якой улада вымушаная прыслухоўвацца да грамадства. Бо яны стагоддзямі пераконвалі сябе, што гэта няправільна, што такая «дзер*макратыя» шкодная. А цяпер яны бачаць, як галоўнакамандуючым прызначылі маладога, спрытнага, аўтарытэтнага ў войску, — і яны зайздросцяць. Самай канцэпцыі таго, што галоўнакамандуючым можа стаць той, хто пачаў вайну ў званні камбата, а не, як у савецкім анекдотзе: «Генералам, Воўка, фіг ты станеш, у генералаў свае ўнукі ёсць».

А яшчэ ў нас на дронах «Мадзяр», які наводзіць на іх жах. А ў іх на дронах чалавек з пазыўным «Унітаз», які гандляваў сантэхнікай, а цяпер распілоўвае дзяржаўныя заказы.

Яны цяпер хочуць, як у нас. Але яны ведаюць, што калі хто-небудзь з іх выступіць з такой жа ініцыятывай… Не тое што «нічога не будзе», а якраз будзе. Будзе балюча, пакараюць дэманстратыўна, каб ведалі, як раскачваць сістэму.

І вось яны параўноўваюць гэтыя дзве сістэмы, гэтыя «два міры, два Шапіры» — і яно ўзнікае. Знявер’е.

Я лічу, гэта ідэалагічная перамога.

Віктар Трэгубаў, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com