Навукоўцы развянчалі вядомы міф пра ваду
2- 5.08.2026, 13:09
Піць ваду падчас ежы не зніжае апетыт, а ўзмацняе.
Навукоўцы з Карнельскага ўніверсітэта і Універсітэта штата Пенсільванія высветлілі, што пітво вады падчас ежы не толькі не зніжае апетыт і не дапамагае раней скончыць прыём ежы, але і павялічвае аб'ём з'едзенага. Вынікі даследавання апублікаваныя ў часопісе Appetite.
Навукоўцы прааналізавалі відэазапісы 172 прыёмаў ежы 86 дарослых добраахвотнікаў. Удзельнікам прапаноўвалі аднолькавыя порцыі ежы і ваду, пасля чаго яны маглі есці і піць столькі, колькі хацелі. Навукоўцы падлічвалі кожны глыток, ацэньвалі аб'ём выпітай вады і супастаўлялі гэтыя даныя з колькасцю з'едзенай ежы.
Аказалася, што на кожныя дадатковыя 100 мл выпітай вады прыпадала каля 39 грамаў дадатковай ежы — прыблізна 49 кілакалорый. Інакш кажучы, людзі, якія больш запівалі ежу, у сярэднім з'ядалі больш.
Аўтары мяркуюць, што вада можа палягчаць перажоўванне і глытанне ежы, а таксама змяншаць сухасць у роце, дзякуючы чаму ежа даўжэй застаецца прыемнай на смак. Акрамя таго, кожны глыток вады можа нібыта «абнаўляць» смакавыя адчуванні, не даючы ежы надакучыць і тым самым падштурхоўваючы працягваць есці.
Пры гэтым даследчыкі выявілі нечаканую заканамернасць: удзельнікі, якія выпівалі ваду хутчэй, наадварот, з'ядалі менш ежы. Пакуль навукоўцы не могуць растлумачыць гэты эфект.
Аўтары падкрэсліваюць, што праца выявіла толькі сувязь, а не прычынна-выніковую залежнасць. Не выключана, што людзі спачатку з'ядалі больш, а ўжо потым адчувалі мацнейшую смагу. Акрамя таго, эксперымент праводзіўся толькі з двума стравамі ў лабараторных умовах, таму вынікі яшчэ трэба праверыць у больш маштабных даследаваннях.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
