Мінскую пенсіянерку затрымалі за арганізацыю незаконнай міграцыі

Яна здавала жыллё замежнікам.

Сілавікі затрымалі 65-гадовую мінчанку, якая «пабудавала бізнес на нелегалах», паведамілі ў МУС. За два месяцы праз яе чатырохпакаёвую кватэру прайшлі 70 пастаяльцаў з дзясятка краін.

Раней судзімая пенсіянерка прадастаўляла замежнікам для пражывання сваю чатырохпакаёвую кватэру — з кожнага атрымлівала 100 долараў, расказалі ў МУС. Жанчына доўгі час «з карыслівых матываў забяспечвала незаконнае знаходжанне ў рэспубліцы выхадцаў з Паўднёвай Азіі і Паўночнай Афрыкі».

За два месяцы сілавікамі зафіксавана 70 пастаяльцаў з 10 краін. На момант затрымання ў памяшканні знаходзіліся 10 парушальнікаў.

«Праз яе прайшлі сотні чалавек. Пры гэтым жанчына дакладна ведала, што ў замежнікаў адсутнічалі візы Рэспублікі Беларусь або іншыя дакументы, якія даюць права законна знаходзіцца ў краіне», — паведамілі ў МУС.

Узбуджана крымінальная справа за арганізацыю незаконнай міграцыі. Жанчыну адправілі ў ізалятар часовага ўтрымання. Частка яе кватарантаў ужо дэпартаваныя, астатнія затрыманыя для дачы сведчых паказанняў, пасля чаго таксама будуць выдвораныя за межы краіны.

У МУС нагадалі, што згодна з законам кватэрадаўцу неабходна на працягу трох гадзін пасля здачы жылля замежнікам паведаміць пра гэта ў міліцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com