Навукоўцы распавялі, чаму ежа становіцца смачнейшай на наступны дзень пасля прыгатавання

Сакрэт раскрыты.

Даследчыкі Універсітэта Дыкіна (Аўстралія) знайшлі магчымыя тлумачэнні гэтага феномена ў сваім свежым даследаванні, піша «Нож».

У мінулым Расэл Кіст, вядучы аўтар даследавання, працаваў шэф-кухарам. Яго заўсёды цікавіла, чаму людзі часта лічаць учорашнія стравы самымі смачнымі.

Каб разабрацца ў гэтым пытанні, Кіст і ягоныя калегі спачатку правялі апытанне. Яны папрасілі дарослых аўстралійцаў выбраць 4 стравы з 25 папулярных пазіцый. Людзей пыталіся, якія стравы, на іх думку, стануць яшчэ лепшымі на наступны дзень.

Далей каманда правяла дэгустацыйны эксперымент з удзелам 65 добраахвотнікаў. Дарослыя людзі насляпую спрабавалі лазанью з ялавічынай, курыцу ў вяршкова-таматным соусе, яблычны крамбл і дал. Апошняя пазіцыя — гэта страва індыйскай кухні, якую гатуюць з чачавіцы, машу, нута, гароху і фасолі.

«Мы выкарыстоўвалі тыя ж самыя рэцэпты, ідэнтычныя партыі інгрэдыентаў, аднолькавыя спосабы прыгатавання, аднаго і таго ж спецыяліста па даследаваннях, кантралявалі тэмпературныя ўмовы ў халадзільніку і пры разаграванні, выкарыстоўвалі рандомізаваныя трохзначныя коды і сляпы сэнсарны аналіз», — удакладніў Расэл Кіст.

Калі верыць вынікам эксперыменту, рэспандэнты часцей за ўсё адгадвалі ступень свежасці дала: больш за 80 % адрознілі толькі што прыгатаваную індыйскую страву ад учорашняй. Другое месца занялі курыца ў вяршкова-таматным соусе і яблычны крамбл, трэцяе — лазанья.

Што цікава, каля 64 % добраахвотнікаў прызналіся, што курыца ў вяршкова-таматным соусе, прыгатаваная напярэдадні, была смачней за свежую. У выпадку з трыма іншымі стравамі перавагі падзяліліся пароўну.

На думку даследчыкаў, звычайна ежа не становіцца лепшай на наступны дзень, проста некаторым людзям больш падабаюцца смакавыя ўласцівасці страў, што прасякнуліся соўсамі і прыправамі. Пры гэтым найчасцей такія гурманы аддаюць перавагу ўчорашнім «складаным, вільготным стравам з соусам, у якіх прысутнічаюць тлушчы, прыправы, крухмалы і бялкі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com