У Гомельскім універсітэце вылічаюць удзельнікаў шэсця ў Менску

У Гомельскім дзяржаўным універсітэце правяраюць, ці не ўдзельнічаў хто-небудзь са студэнтаў у святкаванні Дня Волі.

Выкладчыкам-куратарам груп ГДУ імя Ф. Скарыны раніцай 25 сакавіка было загадана праверыць наяўнасць усіх студэнтаў у групах і высветліць, ці не ездзіў ці хто-небудзь 24 сакавіка на акцыю, прымеркаваную да Дня Волі ў Менску, і не ці прагульвае сёння з-за гэтага заняткі, перадае праваабарончы цэнтр «Вясна».

Выкладчыкаў таксама прасілі даведацца, ці не быў нехта са студэнтаў затрыманы ў Менску, так як 24 сакавіка на святкаванні Дня Волі былі затрыманыя восем чалавек, у ліку якіх трое грамадзян Украіны.

У Гомелі Дзень Волі дэмакратычная супольнасць святкуе 25 сакавіка. Тут адбудзецца шэраг мерапрыемстваў - размяшчэнне на магіле дзеяча беларускага нацыянальнага руху Цімоха Вострыкава памятнай дошкі на роднай мове, ускладанне кветак да месца, дзе жыла дзяячка БНР Палута Бадунова. Таксама плануецца правядзенне публічнай лекцыі па гісторыі беларускага нацыянальнага руху пачатку ХХ ст, выступленне Андрэя Мельнікава - вядомага гомельскага барда.