Грыбнік знайшоў у лесе 12 тысяч літраў самагоннай брагі

Мужчына пайшоў у грыбы, але замест іх выявіў буйную залеж кантэйнераў з брагай.

Раніца ў лесе каля вёскі Сечкі стартавала з нечаканай знаходкі. Мужчына пайшоў у грыбы, але замест іх выявіў буйны залеж кантэйнераў з брагай. Быў званок у міліцыю, які прывёў да рэкорднай канфіскацыі ў Маладзечанскім раёне. Агульны аб'ём выяўленай вадкасці склаў 12750 літраў, паведамляе афіцыйны сайт УУС Менаблвыканкама.

Пільны грыбнік наткнуўся на брагу 27 ліпеня а 8.30. Паўфабрыкат для стварэння самагону знаходзіўся ў вялікіх пластыкавых ёмістасцях і размяшчаўся ў зарасніку.

Яе ўладальнікам быў 36-гадовы беспрацоўны жыхар суседняй вёскі. Тры тыдні таму ён ужо прыцягваўся да адказнасці за тое ж самае парушэнне. Тады было канфіскавана і знішчана больш за дзевяць тон брагі.

- Пасля таго здарэння мужчына наважыў змяніць тактыку, - распавялі ва УУС Менаблвыканкама. - Брага хавалася ў лесе. Калі яна даходзіла да патрэбнага стану, мужчына браў з сабой самагонны апарат і ехаў на месца. Там канструкцыя збіралася і выганяўся прадукт. Пасля самагоншчык складваў апарат і ад'язджаў дадому. Сэнс гэтага метаду вытворчасці самагону ў адсутнасці прывязкі да месца і стацыянарнага апарата. Бяспека за кошт мабільнасці.

Колькасць канфіскаванай брагі не ўплывае на канчатковую суму штрафу. Мужчыне давядзецца выплаціць да 30 базавых велічынь з улікам канфіскацыі паўфабрыкатаў і канчатковага прадукту.

Плюс да ўсяго міліцыянты нагадваюць, што ёсць усе падставы караць і пакупнікоў самаробнага алкаголю. Набыццё нелегальнага самагону цягне накладанне штрафу сумаю да пяці базавых велічынь.