З лістапада польскія візы для беларусаў будуць каштаваць 20 еўра
10- 30.10.2008, 21:42
Польшча зніжае для грамадзянаў Беларусі кошт збораў за афармленне нацыянальных візаў.
Аб гэтым кажацца ў заяве міністэрства замежных справаў Польшчы, паведамляе «Интерфакс».
Кошт афармлення польскай візы для грамадзянаў Беларусі складзе 20 еўра замест 35 еўра, якія плацілі беларусы, пачынаючы са снежня 2007 года.
«Рашэнне знізіць кошт афармлення візы да 20 еўра ўступіць у сілу з першага лістапада 2008 года», - кажацца ў заяве польскага знешнепалітычнага ведамства.
Чакаецца, што на працягу калядных святаў колькасць гасцей з Беларусі значна павялічыцца.
