Лукашэнка - міністру адукацыі Радзькову: «Вы правалілі працу»

Сёння ў Аляксандра Лукашэнкі праходзіць нарада, дзе абмяркоўваецца праект дэкрэту, які прадугледжвае пераход на 11-гадовую сярэднюю адукацыю.

"Сёння павінна быць прынята рашэнне раз і назаўсёды. Пры гэтым не павінна быць ніякіх рашэнняў напалову", - заявіў А.Лукашэнка на гэтай нарадзе, паведамляе "Інтэрфакс".

"Мне здаецца, Аляксандр Міхайлавіч (А.Радзькоў - міністр адукацыі - ІФ), што вы правалілі працу ў гэты перыяд", - сказаў А.Лукашэнка. Апрача таго, па ягоных словах, "і віцэ-прэм'ер (Аляксандр Касінец - ІФ) не ўлез у гэтую праблему, як у сферу аховы здароўя".

А.Лукашэнка выказаў думку, што "можа камусьці з настаўнікаў і не спадабаецца гэтае рашэнне". "Але лёс дзяржавы важней, чым меркаванне асобных людзей", - падкрэсліў прэзідэнт. "Гэта (адукацыя) не эканоміка, гэта больш сур'ёзна. Без адукацыі не можа быць аніякай эканомікі", - адзначыў А.Лукашэнка.

Прыманае рашэнне, падкрэсліў кіраўнік дзяржавы, павінна быць "узважаным і прадуманым". А.Лукашэнка сказаў, што яго хвалюе - "ці зможа дэкрэт вырашыць найвастрэйшыя праблемы, што стаяць перад школай, забяспечыць усім роўныя магчымасці атрымання агульнай сярэдняй адукацыі. І у той самы час стварыць умовы для развіцця здольнасцяў дзяцей і заняткаў па інтарэсах, ліквідаваць перагрузку навучэнцаў без шкоды для якасці іх падрыхтоўкі". Ён таксама спытаў: "Як будзе ажыццяўляцца пераход на 11-годку, пачынаючы ўжо з 1 верасня 2008 года, калі будзе прынята такое рашэнне?". "Ці зможам мы забяспечыць аптымізацыю ўтрымання адукацыі і па якіх праграмах і падручніках стануць вучыцца школьнікі", - спытаў таксама кіраўнік дзяржавы.

А.Лукашэнка таксама пацікавіўся "для чаго мы захоўваем ліцэі, гімназіі, ліцэйныя і гімназічныя класы, якія выбіваюцца з агульнай сістэмы?". "Ці будзе забяспечана належная якасць падрыхтоўкі ў старэйшых класах, якім належыць скончыць навучанне за адзін год замест двух і ці справядлівая засцярога часткі бацькоў, што налета будзе фактычна падвойны выпуск і гэта прывядзе да рэзкага росту конкурсу ў ВНУ?", - паставіў пытанне А.Лукашэнка.