Пуцін тры дні маўчаў

Як «запускалі» ракету «Сармат».

Нядаўна я напісаў пра тое, што Расія загадкава маўчыць наконт выпрабавальнага запуску МБР «Сармат», прызначанага на 9 мая. Я нават дапусціў, што, раз маўчанне зацягнулася, гэтая ракета зноў не паляцела і/або выбухнула

Але праз некалькі гадзін пасля майго паста Крэмль распаўсюдзіў відэа ўзлёту «Сармата» і запіс пераможнага дакладу начальніка РВСН Сяргея Каракаева Пуціну.

То-бок, нібыта ўсё ў парадку. Але гэты даклад мяне ўсё роўна не пераканаў у поспеху ўсёй аперацыі.

Па працы ў навінах я вельмі добра памятаю такія даклады, яны заўсёды былі прыкладна аднолькавымі, нават стандартнымі. Прыблізна такога кшталту: «Задачы пуску выкананыя ў поўным аб'ёме, пацверджаныя разліковыя характарыстыкі на ўсіх этапах палёту ракеты, вучэбныя баявыя блокі прыбылі ў зададзены раён на палігоне Кура на паўвостраве Камчатка». (Памятаю, неяк раз на гэтым палігоне балванкай ад вучэбнай ракеты нават забіла нейкага мужыка, то-бок блокі сапраўды «прыбылі»).

На гэтым палігоне балванкай ад вучэбнай ракеты забіла мужыка

Дык вось, на гэты раз даклад Каракаева быў прыкметна лаконічнейшы: «Пуск паспяховы, задача пуску выканана». Усё. Што да «задача паражэння мэты паспяхова выканана», ён чамусьці прамаўчаў, перайшоўшы на іншыя тэмы.

І гэта вельмі дзіўна. Калі б палёт ракеты прайшоў у штатным рэжыме, а балванкі трапілі па вучэбных мішэнях, начальнік РВСН абавязкова б гэтым пахваліўся. Урэшце рэшт, яго праца — не запускаць ракеты, а дастаўляць боегалоўкі да мэт. У гэтым сэнсе дакладнае траплянне для яго куды важнейшае за прыгожы запуск.

Далей. На адным з тэхнічных відэа запуску ракеты ў яе неяк падазрона абрываецца тэлеметрыя. Можа, проста кароткі збой, а можа і нешта больш сур'ёзнае.

Ну і яшчэ адно: запуск і даклад пра яго відавочна рыхтавалі да 9 мая. На гэты дзень закрылі неба над Камчаткай, Арэнбургскай вобласцю, нейкімі тэрыторыямі і акваторыямі ў Запаляр'і. Але абвясцілі пра «поспех» толькі 12 мая.

Карацей, я амаль упэўнены, што ракету запусцілі 9 мая, і яна нават узляцела. Але потым на стадыі набору вышыні нешта пайшло не так, і яна зноў выбухнула, не даляцеўшы да мэты.

Тры дні яны чакалі, ці не з'явяцца дзе-небудзь у блогах або ў заходняй прэсе фота і відэа гэтага фіяска. І калі стала ясна, што ўсё чыста, нічога такога няма, Пуцін дазволіў апублікаваць відэа ўзлёту ракеты і выслухаў даклад наконт «задача пуску выканана». У прынцыпе, гэта праўда: пуск жа адбыўся.

Вядома, Пуцін з вялікай радасцю адкруціў бы галаву гэтаму Каракаеву за чарговы правал выпрабаванняў «Сармата», але яму цяпер па зарэз патрэбны хоць нейкі гучны, стратэгічны поспех. Таму ён і згуляў гэтую камедыю з «паспяховым запускам», але без аналагічнага трапляння ракеты ў мэту.

А многія людзі, як я гляджу, прынялі гэта за чыстую манету.

Іван Якаўіна, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com