Міністр адукацыі «не бачыць неабходнасці» ў вяртанні ЕГУ ў Менск
16- 2.04.2009, 13:04
Аляксандр Радзькоў агучыў афіцыйную пазіцыю Міністэрства адукацыі: вяртанне Еўрапейскага гуманітарнага ўніверсітэта немэтазгодна.
«Мы не разглядаем пытанне аб вяртанні ЕГУ, да нас і не паступала такога зварота», - цытуе словы Аляксандра Радзькова «Інтэрфакс».
«У нас дастаткова вну, якія вырашаюць задачу падрыхтоўкі кадраў, мы не бачым такой неабходнасці», - сказаў міністр.
Кіраўнік Мінадукацыі падкрэсліў, што ў кожнага вну павінныя быць свае мэты і задачы ў падрыхтоўцы спецыялістаў, павінная быць у грамадстве замова на працаўладкаванне іхніх выпускнікоў. Ён таксама звярнуў увагу і на наяўнасць у ЕГУ «вялікіх пытанняў з фінансаваннем».
Нагадаем, што міністэрства адукацыі Беларусі ў 2004 годзе прыняло рашэнне аб ануляванні ліцэнзіі Еўрапейскага гуманітарнага ўніверсітэта на ажыццяўленне адукацыйнай дзейнасці.
У ЕГУ навучалася каля 1000 студэнтаў. У цяперашні час ЕГУ ажыццяўляе адукацыйную дзейнасць у Вільнюсе (Літва).