Распачаўся суд над экс-пракурорам Менскай вобласці Снегіром
8- 10.08.2009, 9:55
Вярхоўны суд Беларусі мае намер сёння распачаць разгляд крымінальнай справы экс-пракурора Менскай вобласці Міхаіла Снегіра.
«Пачатак судовых слуханняў па справе М.Снегіра прызначаны на 10 жніўня. Судовы працэс будзе закрытым», паведамілі агенцтву «Інтэрфакс» у Вярхоўным судзе Беларусі.
Як раней паведамляла агенцтва са спасылкай на адваката М.Снегіра Анатоля Шэпелевіча, следства прад'явіла М.Снегіру абвінавачванне па трох артыкулах Крымінальнага кодэкса - злоўжыванне службовымі паўнамоцтвамі (арт. 424), хабар (арт. 430) і захоўванне боепрыпасаў (арт. 295).
На нарадзе 13 лістапада 2008 года Аляксандр Лукашэнкі агучыў інфармацыю, датычную незаконнага набыцця М.Снегіром кватэры ў Менску і будаўніцтва дарагога катэджа.
14 лістапада 2008 года была ўзбуджаная крымінальная справа па факце злоўжывання службовымі паўнамоцтвамі супрацоўнікамі органаў пракуратуры, па ёй праходзіў і М.Снягір. Неўзабаве ён быў затрыманы і змешчаны ў СІЗА у Менску.
