Загадка другіх дзвярэй на ўчастку
11- 13.12.2010, 9:35
Назіральнік Аршанской гарадской камісіі стаў сведкам цікавай сітуацыі.
Пасля заканчэння паседжання камісіі памяшканне малой залы гарвыканкама, дзе засталіся бюлетэні для прэзідэнцкіх выбараў, чальцамі камісіі было замкнёнае і апячатанае. Разам з тым, як звярнуў увагу назіральнік Сяргей Трафімаў, у гэтае памяшканне вядуць двое дзвярэй. Адны з калідора выканкама (іх апячаталі), іншыя – з кабінета старшыні. Па словах Сяргея, ён, тузануўшы гэтыя дзверы за ручку, пераканаўся ў тым, што яны адчыненыя, паведамляюць «Праваабаронцы за свабодныя выбары».
Такім чынам, перад намі дзіўны рэбус. У памяшканне з бюлетэнямі можна ўвайсці праз двое дзвярэй. Навошта адны з іх замыкаць на два замкі і апячатваць, пакідаючы іншыя адчыненымі? Пакуль ніхто з аршанскіх назіральнікаў гэтую загадку разгадаць не змог