Водка «Минская» стала «Русским культом»

На нямецкі рынак выходзіць беларуская гарэлка «Russian Cult Мінская». Першая партыя напоя ўжо з'явілася ў крамах.

«Russian Cult Мінская» – гэта новы брэнд гарэлкі «Мінская». Для прэзэнтацыі новага брэнда на міжнародным рынку беларуская кампанія стварыла сайт, які распавядае пра рускім культ выраблення і піцця гарэлкі. Як напісана на сайце, вырабленне гарэлкі – гэта мастацтва, паведамляе «Алка.Ру»

На ўпакоўцы напоя знаходзіцца надпіс на беларускай мове «Мінская», а побач – «Russian Cult». Мабыць, беларускі вытворца не пасаромеўся назваць сваю гарэлку «рускай» з-за пазнавальнасці рускай гарэлкі на міжнародным рынку. У той жа час падобнае цеснае суседства робіць Менск у сэнсавым плане часткай Расеі.