Эдуард Шэварнадзэ: «Лукашэнка не да канца заслугоўвае даверу»

У няшчырых палітычных гульнях абвінаваціў Аляксандра Лукашэнкі экс-прэзідэнт Грузіі Эдуард Шэварнадзэ.

«Сам па сабе факт сустрэчы нядрэнны, але Лукашэнка гуляе», - заявіў ён у інтэрв'ю тбіліскагай газеце «Асавал-дасавалі» - «Спачатку Лукашэнка гуляў з Захадам, раздражняючыя Расею. Потым яны прымірыліся».

Па словах Эдуарда Шэварнадзэ, «Лукашэнка не да канца заслугоўвае давер».

Як паведамляла раней інтэрнэт-газета «Взгляд», на фоне ахалоджвання стасункаў з Расеяй Аляксандр Лукашэнка адчуў нечаканую зычлівасць да Міхаіла Саакашвілі. Сімпатыя, мяркуючы па ўсім, аказалася ўзаемнай: у інтэрв'ю беларускім журналістам грузінскі лідэр хваліў «мудрасць» прэзідэнта рэспублікі, які не прызнаў незалежнасць Абхазіі і Паўднёвай Асеціі, і спачуваў яму з нагоды ўчыненага на Менск «ціску» з боку Масквы.

Шэраг назіральнікаў разгледзела ў заляцанні прэзідэнта Беларусі з настроенымі супраць Расеі лідэрамі былых савецкіх краін намер насаліць Маскве.

«Лукашэнка са сваім паводзінамі старшыні калгасу спрабуе гуляць у геапалітычныя гульні, не разумее, што можна, а што нельга рабіць у сусветнай палітыцы. Ён ужо пагуляў з Курманбекам Бакіевым, і гэта стала адной з прычынаў трагедыі ў Ашэ. З Саакашвілі ён таксама гуляе з агнём, і, калі ён стварае нам складанасці, трэба ствараць яму складанасці ў адказ», - адзначыў у размове з газетай ВЗГЛЯД намеснік дырэктара Інстытута краін СНД Уладзімір Жарыхін.

Эксперты не выключаюць, што сварка Лукашэнкі з Масквой прыкметна зніжае яго шанцы на поспех на прэзідэнцкіх выбарах, прызначаных у Беларусі на пачатак наступнага года. Без датацый Расеі яму будзе вельмі цяжка па-ранейшаму забяспечваць высокія сацыяльныя выплаты звычайным беларусам, у першую чаргу пенсіянерам. Тым самым ён рызыкуе страціць сваю высокую папулярнасць.