ДТЗ у Менску: Грузавік спрэсаваў «легкавік» (Фота)
6- 8.07.2010, 13:37
Кола грузавіка, якое лопнула, стала прычынай ДТЗ на вуліцы Гурскага ўвечары 7 ліпеня.
У выніку сутыкнення грузавік упаў бокам на легкавы аўтамабіль і расціснуў яго сваёй вагой.
Як паведаміў парталу interfax.by інспектар ДАІ Маскоўскага раёна Аляксей Чыжык, грузавік рухаўся па вул. Гурскага з боку вул. Янкі Брыля, калі ў яго «стрэліла» пярэдняе правае кола. Транспартны сродак вынесла на сустрэчную паласу руху. Некаторыя аўтамабілі паспелі ўхіліцца, адзін з іх не змог пазбегнуць сутыкнення і апынуўся пад грузавіком.
Нягледзячы на сур'ёзныя пашкоджанні аўтатранспартных сродкаў, у выніку гэтага ДТЗ ніхто не пацярпеў.