Моладзь арыштоўваюць за нацыянальную сімволіку
10- 2.08.2010, 11:25
1 жніўня ў Барысаве затрыманыя двое актывістаў «Маладога Фронту» за распаўсюд нацыянальнай сімволікі.
У нядзелю ўвечары у Барысаве міліцыя затрымала Ганну Шарубу і Уладзіслава Яроменку. Маладафронтаўцы ўпрыгожвалі горад нацыянальнай сімволікай, паведамляе прэс-служба МФ.
На актывістаў МФ складзены пратаколы па артыкуле 21.14 ч.2 КоАП - парушэнне правілаў добраўпарадкавання населеных пунктаў, узялі адбіткі пальцаў і праз тры гадзіны вызвалілі.
Артыкул 21.14 прадугледжвае штраф ад 4 да 25 базавых велічыняў.
Напярэдадні аналагічнае абвінавачванне высунутае супраць актывісткі «Маладой Беларусі» Насты Азаркі.