Мікалая Аўтуховіча пасадзілі на каранцін
3- 4.08.2010, 11:38
Ваўкавыскі прадпрымальнік Мікалай Аўтуховіч дабраўся да выпраўленчай калоніі №5 у Івацэвічах, і тыдзень-паўтары будзе знаходзіцца ў карантыне.
Пра гэта «Беларускаму партызану» паведаміў праваабаронца Алег Воўчак.
Інфармацыя пра тое, што Аўтуховіча накіравалі ў калонію «Ваўчыныя норы» не адпавядае сапраўднасці - «Ваўчыныя норы» знаходзяцца пад Берасцем, а ВЧ №5 узмоцненага рэжыму - у Івацэвічах.
Гэткую тэрміновую адпраўку па этапе Мікалай Аўтуховіч тлумачыць тым, што адміністрацыя СІЗА №1 Менска спалохалася яго заявы аб падтрымцы дэмакратычных кандыдатаў у прэзідэнты.
Як адзначыў Алег Воўчак, Мікалай Аўтуховіч зараз як быццам «знаходзіцца на рэабілітацыі» - умовы ўтрымання ў СІЗА №1 і ВЧ-5 моцна адрозніваюцца ў лепшы бок.