Вікторыя Азаранка страціла прытомнасць на US Open (Фота, відэа)
15- 2.09.2010, 9:46
На адкрытым чэмпіянаце ЗША па тэнісе Вікторыя Азаранка выбыла з барацьбы ў другім коле адзіночнага разраду з-за цеплавога ўдару.
Пра гэта паведаміў афіцыйны сайт беларускай спартоўкі.
1 верасня ў матчы другога кола яна страціла прытомнасць у першым сэце пры ліку 1:5 (15:30) супраць аргентынкі Гізелы Дулько (41). Азаранка змагла пакінуць корт толькі са старонняй дапамогай.
На турнірах «Вялікага шлема» праблемы са здароўем у Азаранкі ўжо ўзнікалі, адзначае сайт US Open. У 2009 годзе на адкрытым чэмпіянаце Аўстраліі ёй стала дрэнна ў матчы 1/8 фіналу супраць амерыканкі Серэны Уільямс.