Пракуратура афіцыйна папярэджвае сясцёр Пашко

Сёстры Юля і Кацярына Пашко 24 студзеня атрымалі позвы ў Пракуратуру Брэсцкай вобласьці для “ўручэньня афіцыйнага папярэджаньня”.

Яны мяркуюць, што папярэджаньне можа быць звязанае з падзеямі 19 сьнежня ў Менску, паведамляе "Вясна".

Некалькі дзён таму ім тэлефанавалі з пракуратуры Менска і таксама запрашалі на гутарку. Аднак даведаўшыся, што сёстры жывуць у Брэсце, паабацалі разабрацца з імі на месцы.