19 снежня 2018, Серада, 1:16
Дзякую вам
Рубрыкі

Карэтнікаву прысудзілі 10 сутак арышту

Суд Савецкага раёна Менска прысудзіў лідэра арганізацыі «Правы альянс» Юрыя Карэтнікава да 10 сутак адміністрацыйнага арышту.

Пра гэта БелаПАН паведаміла праваабаронца Анастасія Лойка.

Па ейных словах, суд прызнаў Карэтнікава вінаватым у дробным хуліганстве.

Нагадаем, 30 кастрычніка прыкладна ў 17.00 Карэтнікаў патэлефанаваў родным і паведаміў, што затрыманы. Яго абвінавацілі ў дробным хуліганстве.

Юрый Карэтнікаў падчас прэзідэнцкіх выбараў быў даверанай асобай кандыдатаў на пасаду кіраўніка дзяржавы Рыгора Кастусёва і Віталя Рымашэўскага, а пазней удзельнічаў у працы каманды кандыдата ў прэзідэнты Уладзіміра Някляева, адказваючы за стварэнне службы бяспекі. Пасля 19 снежня 2010 года з'ехаў ва Украіну, дзе разам з яшчэ адным актывістам беларускай апазіцыі Вячаславам Сіўчыкам стварыў грамадскую арганізацыю беларусаў Украіны «Беларускі цэнтр». Вярнуўся ў Беларусь Карэтнікаў 26 кастрычніка 2011 г.