Сталічнае ГУУС адмовілася ад зносінаў праз Інтэрнэт

Сайт ГУУС Менгарвыканкама вымушаны закрыць форум.

«Першапачаткова форум ствараўся як пляцоўка для дыялогу паміж наведвальнікамі сайта, абмену думкамі і досведам. Аднак практычна першапачаткова гэтая мэта была нівеліраваная, калі наведвальнікі стала пачалі задаваць пытанні і форум пераўтварыўся фактычна ў юрыдычную кансультацыю. І калі ў першы год адміністратарам атрымоўвалася досыць аператыўна адказваць на пытанні наведвальнікаў, то з часам колькасць пытанняў толькі расла, а магчымасці адказаць на іх было ўсё меней. Натуральна, гэтая акалічнасць стала выклікаць незадаволенасць грамадзянаў і нараканні з боку кантралюючых органаў», паведамляе прэс-служба ГУУС Менгарвыканкама.

«Паколькі тэхнічна немагчыма павялічыць штат супрацоўнікаў, што мадэруюць сайт ГУУС, у нас не засталося іншага выбару як спыніць існаванне форуму ў такім нездавальняючым фармаце», объяснют сваё рашэнне сталічныя міліцыянты.

Для сувязі прапануецца карыстацца электроннай поштай, ЖЖ ці твітэрам.

Фота: toxaby