Падвойная аварыя паралізавала праспект Дзяржынскага (Фота)

Першая аварыя адбылася адразу за скрыжаваннем пр. Дзяржынскага і 1-га Ізвознага завулка.

Па словах удзельнікаў ДТЗ, машына інкасатараў стаяла ў першай паласе, грузавая «Газэль» рухалася ў бок вул. Клары Цэткін у другім шэрагу, паміж імі паспрабаваў «праціснуцца» Citroen Evasion, які належыць адной з гарадскіх службаў таксі. У той жа час сам таксіст запэўнівае, што прычынай таго, што адбылося, стала слізкае пасля дажджу пакрыццё. Легкавушка ў выніку здарэння атрымала пашкоджанні з абодвух бакоў кузава. Пасля сутыкнення «Газэль» праехала некалькі метраў і спынілася ў другім справа шэрагу, паведамляе onliner.by.

Прыкладна праз паўгадзіны здарылася другое ДТЗ - на гэты раз з-за невыканання дыстанцыі. Як распавялі ўдзельнікі здарэння, паток праехаў скрыжаванне, адзін з кіроўцаў рэзка затармазіў перад «Газэллю», мужчына, які рухаўся за ім на Audi, паспеў зрэагаваць, а Ford Mondeo, які ехаў ззаду - не. Другі аўтамабіль атрымаў даволі значныя пашкоджанні пярэдняй часткі кузава і «сеў» на фаркоп Audi. На шчасце, у абедзвюх аварыях ніхто не пацярпеў.

У выніку апынуліся перакрытыя дзве правыя паласы - тралейбусы не маглі праехаць. На месца здарэння прыбылі прадстаўнікі «Менсктранса». Яны патлумачылі, што затрымка транспарту склала 38 хвілін. Рахунак за панесеныя арганізацыяй страты вымушаны будзе выплаціць віноўнік здарэння. Яго вызначаць супрацоўнікі ДАІ.