У Менску гарэлі адразу 6 BMW (Фота)
16- 24.10.2012, 10:20
Непрыемнае здарэнне на вуліцы Ржавецкай у Менску.
Пакінутая без нагляду ў бытоўцы самаробная печ стала прычынай пажару, які пашкодзіў шэсць аўтамабіляў BMW 1996, 1998, 1999, 2002 і 2004 гадоў выпуску, піша «Інтэрфакс».
Аб узгаранні на гарачую лінію МНС паведамілі мінакі. Праз 5 хвілін на месцы працавалі выратавальнікі, у гэты час бытоўка ўжо гарэла адкрытым полымем. Дзякуючы своечасовым дзеянням супрацоўнікаў МНС сур'ёзнага матэрыяльнага ўрону атрымалася пазбегнуць. Тым не менш, ва ўсіх шасці аўтамабіляў пашкоджана лакафарбавае пакрыццё і пластыкавыя элементы.
Вінаваты ў здарэнні ўстанаўліваецца.