У Кіеве затрыманы былы ахоўнік Кучмы

У кіеўскім аэрапорце «Барыспаль» затрыманы былы маёр дзяржаховы Украіны Мікалай Мельнічэнка.

Пра гэта паведамляе прэс-служба Службы бяспекі Украіны (СБУ).

Мікалай Мельнічэнка быў абвешчаны ў міжнародны вышук у сувязі з абвінавачваннямі ў разгалашэнні дзяржаўнай таямніцы, перавышэнні паўнамоцтваў і падробкай дакументаў, перадае ВВС.

У 2000 годзе на Украіне паўстаў «касетны скандал»: у парламенце быў прадэманстраваны запіс, які Мельнічэнка нібыта зрабіў у кабінеце экс-прэзідэнта.

На запісы голас, падобны на голас Леаніда Кучмы, аддае загад «разабрацца» з журналістам Георгіем Гангадзэ, чыё абезгалоўленае цела было знойдзена восенню 2000 года ў Кіеўскай вобласці.