Мільярдэр Рычард Брэнсан: Не бойцеся спрабаваць

Заснавальнік карпарацыі Virgin прачытаў лекцыю ў Варшаўскім універсітэце.

Вядомы мільярдэр Рычард Брэнсан распавёў студэнтам пра тое, што гуляе галоўную ролю ў стварэнні ўласнага бізнесу. Ён адзначыў, што для поспеху неабходна «ісці ўглыб і не баяцца спрабаваць». Брэнсан параўнаў гэты працэс з метадам навучання плаванню, калі людзей вучаць на мелкаводдзі, а затым плывуць з імі далей ад берага і пакідаюць адных, паведамляе агенцтва РАР (пераклад - charter97.org).

«Самым важным з'яўляецца добрая і цікавая ідэя. Затым трэба вызначыць, ці ёсць аналагічныя прадукты на рынку і прыдумаць, чым можна вылучыцца сярод канкурэнтаў, - сказаў ён. - Важна працаваць з людзьмі, якія вераць у тваю ідэю і быць добрым прыкладам для астатніх».

У якасці прыкладу мільярдэр прывёў свой першы бізнес-праект - музычны часопіс The Student, які ён стварыў ва ўзросце 16 гадоў і які адрозніваўся ўнікальнымі інтэрв'ю.

Таксама ў Варшаве ён прэзентаваў праграму падтрымкі маладых прадпрымальнікаў і распавёў аб бліжэйшых планах карпарацыі Virgin, сярод якіх - правядзенне камерцыйных субарбітальных касмічных палётаў.

Рычард Брэнсан - брытанскі прадпрымальнік, заснавальнік карпарацыі Virgin, якая ўключае ў сябе каля 350 розных філіялаў: крамы па продажу музычных дыскаў, авія-і чыгуначныя кампаніі, радыёстанцыю, выдавецтва і гоначную каманду.

Ён вядомы шырокай публіцы сваімі нестандартнымі ўчынкамі, уключаючы стварэнне ўласнага ток-шоў і неаднаразовыя спробы пабіць сусветныя рэкорды хуткасці. Паводле ацэнкі нядзельнага дадатку да лонданскай газеты The Times, яго багацце складае больш за тры мільярды фунтаў стэрлінгаў.