Андрэй Лянкевіч - пераможца Kaunas Photo Star 2012
8- 13.11.2012, 9:25
На фестывалі Kaunas Photo Star 2012 перамог беларускі фатограф.
Журы конкурсу назвала фіналістаў года, у лік якіх увайшоў Андрэй Лянкевіч. У гэтым годзе ў склад журы ўваходзяць 50 экспертаў з пяці кантынентаў, піша сайт znyata.com.
У якасці галоўнага прыза Андрэй Лянкевіч атрымаў запрашэнне правесці персанальную выставу ў Kaunas Photography Gallery у 2013 годзе падчас фестывалю.
На Каўнаскім конкурсе Андрэй Лянкевіч прадстаўляў праект «Бывай, Радзіма!». Члены журы адзначылі, што, хоць тэма Другой сусветнай вайны досыць часта сустракаецца ў беларускай фатаграфіі, Андрэй інтэрпрэтуе яе па-новаму. Прадстаўленая ў яго праекце гісторыя - спалучэнне сямейных архіўных фотаздымкаў і ўспамінаў, паўторна сфатаграфаваных партрэтаў, выразаных мап.