Памерла Галіна Вішнеўская

Оперная спявачка Галіна Вішнеўская памерла 11 снежня на 87-м годзе жыцця.

Пра гэта паведамляе РИА Новости

Галіна Паўлаўна Вішнеўская нарадзілася 25 кастрычніка 1926 у Ленінградзе. З 1944 да 1951 года працавала ў Ленінградскім абласным тэатры аперэты - спачатку ў хоры, затым стала выконваць сольныя партыі. Сышоўшы з тэатра аперэты, Вішнеўская пачала браць урокі спеваў, а ў 1952 годзе, нягледзячы на адсутнасць кансерваторскай адукацыі, прынятая ў стажорскую групу Большого театра, дзе пасля стала асноўнай салісткай.

Сярод партый, якія яна выканала ў гэтым тэатры - Таццяна ў «Яўгенію Анегіну», Ліза ў «Віновай даме», Купава ў «Снягурцы», Донна Ганна ў «Каменным госцю», Аіда ў аднайменнай оперы Вердзі (у гэтай партыі ў 1962 Вішнеўская дэбютавала ў тэатры «Ковент-Гарден»), «Тоска» і «Мадам Батэрфляй». У 1955 годзе выйшла замуж за віяланчэліста Мсціслава Растраповіча. З 1974 да 1982 года Вішнеўскай і Растраповічу давялося пакінуць Расею - яны зазналі пераслед уладаў за падтрымку Аляксандра Салжаніцына (з 1978 да 1990 Вішнеўская была пазбаўленая савецкага грамадзянства). У гэтыя гады спявачка жыла ў ЗША, Францыі і выступала ў найбуйнейшых тэатрах свету, а таксама ставіла ў якасці рэжысёра оперныя спектаклі. У 2002 годзе адкрыўся Цэнтр оперных спеваў Галіны Вішнеўскай у Маскве. А з 2006-га пачаў праходзіць Адкрыты міжнародны конкурс оперных артыстаў Вішнеўскай, дзе спявачка ўзначальвала журы. Цэнтр оперных спеваў Галіны Вішнеўскай ў гэтым годзе адзначае 10-годдзе з дня свайго стварэння. У гонар гэтай падзеі быў запланаваны шэраг юбілейных спектакляў і гала-канцэртаў. У прыватнасці, 17 снежня ў Венскай ратушы павінна была адбыцца прэзентацыя цэнтра.