У Егіпце пратэстоўцы прарваліся да палаца прэзідэнта
30- 7.12.2012, 21:41
Паводле звестак дзяржаўнай тэлевізіі Егіпта, праціўнікі егіпецкага прэзідэнта Мухамеда Мурсі прарваліся праз агароджу ягонай рэзідэнцыі ў Каіры і накіраваліся да брамы палаца.
Асобныя групы пратэстоўцаў ушчыльную наблізіліся да брамы прэзідэнцкага палаца, перадае ВВС.
Паведамляецца, што рэспубліканская гвардыя пакінула тэрыторыю рэзідэнцыі.
Раней паведамлялася, што да прэзідэнцкага палаца сцягнутыя вайскоўцы і паліцыянты, а таксама дзясяткі танкаў ды іншая бронетэхніка.
Апазіцыя выступае супраць пашырэння прэзідэнцкіх паўнамоцтваў Мурсі і патрабуе перагледзець праект новай канстытуцыі