У Баранавіцкай лякарні холад у палатах

У Баранавіцкай гарадской лякарні ў некаторых палатах - толькі плюс 10 цяпла.

Такая тэмпература, напрыклад, у неўралогіі ў палаце нумар 311. Хворыя, сярод якіх ёсць і паралізаваны, ляжаць у палаце, нацягнуўшы на сябе па 2-3 коўдры, у цёплых шкарпэтках, швэдрах і вязаных шапачках. Знутры на вокнах бачныя кавалкі лёду, якія прымерзлі да шыбаў. Лекары «абнадзейваюць» пацыентаў, што гэта самая халодная палата ў лякарні. Самі хворыя і іх наведвальнікі з жахам чакаюць выходных, калі зноў абяцаюць вяртанне моцных маразоў, паведамляе ПЦ «Вясна».

Баранавіцкія праваабаронцы збіраюцца пісаць скаргу адміністрацыі лякарні і ў ЖКГ горада.