«БелАЗ» і «Лідсельмаш» стануць ядром двух новых холдынгаў
5- 11.09.2012, 13:23
Такое рашэнне змешчана ў пастанове Савета Міністраў ад 6 верасня 2012 года № 825 «Аб унясенні неграшовых укладаў».
У адпаведнасці з падпунктам 1.1 пункта 1 указа ад 27 лютага 2012 № 113 «Аб некаторых пытаннях стварэння і дзейнасці холдынгаў і дзяржаўных аб'яднанняў Міністэрства прамысловасці» урад прыняў рашэнне да 31 снежня бягучага года перадаць у статутны фонд ААТ «БелАЗ» 215 773 акцыі ААТ «Кузлітмаш» і 917 536 акцый таварыства «Слуцкі завод пад'ёмна-транспартнага абсталявання», якія знаходзяцца ва ўласнасці Беларусі і ўпраўлення Міністэрства прамысловасці, для стварэння холдынгу «БелАЗ-холдынг» з кіруючай кампаніяй ААТ «БелАЗ».
Дакументам таксама вызначана перадача ў статутны фонд ААТ «Лідсельмаш» да 31 снежня акцый ААТ «Ваўкавыскі завод дахавых і будаўніча-аддзелачных машын» (3 137 662 акцыі), «Ваўкавыскі машынабудаўнічы завод» (1 440 114), «Лідаграпраммаш» (915.500 ) і «Мазырсельмаш» (3 066 052) для стварэння холдынгу «Лідсельмаш» з кіруючай кампаніяй ААТ «Лідсельмаш», паведамляе БелТА.