Ладуцька загадаў ідэолагам забяспечыць яўку

У Менску неабходна забяспечыць усе ўмовы для правядзення «парламенцкіх выбараў» на годным узроўні, сказаў мэр горада.

Такую задачу паставіў мэр горада Мікалай Ладуцька на аператыўнай нарадзе ў Менгарвыканкаме, паведамляе БелТА.

«Выбары» у Менску павінны быць арганізаваны ў адпаведнасці з заканадаўствам. Выканаўчая ўлада і праваахоўныя органы адказныя за арганізацыю і правядзенне «выбараў» на годным узроўні», - сказаў старшыня Менгарвыканкама.

Ён таксама адзначыў, што ў сталіцы налічваецца больш за 1 млн. выбаршчыкаў.

«Безумоўна, кожны чалавек сам вызначае сваю грамадзянскую пазіцыю і самастойна зробіць выбар на карысць таго ці іншага кандыдата, - сказаў Мікалай Ладуцька. - Але трэба актывізаваць ідэалагічную работу ў працоўных калектывах сталічных прадпрыемстваў і арганізацый, каб максімальная колькасць менчукоў прынялі ўдзел у галасаванні».