Алімпійскі агонь згас ля сцен Крамля (Відэа)
53- 6.10.2013, 19:05
- 44,571
Падчас прабегу спартсменаў з агнём Алімпійскіх гульняў па Маскве не абышлося без інцыдэнтаў.
Ён быў дастаўлены ў расейскую сталіцу чартэрным рэйсам з Афін сёння, пішуць РИА «Новости».
На другім этапе забегу па тэрыторыі Крамля ў Маскве ў Шаварша Карапецяна патух алімпійскі факел больш чым на 20 секунд, але быў запалены адным з супрацоўнікаў, якія суправаджаюць забег.
«Супрацоўнік не цалкам адкрыў клапан. Наступны этап аднавілі ад лампады з аўтэнтычным агнём. Такое здараецца. Наперадзе 65 тысяч кіламетраў (эстафеты агню)», - пракаментаваў прэзідэнт аргкамітэта «Сочы 2014»у сваім мікраблогу ў «Твітэры».
У гонар таго, што агонь прыбыў у Маскву, на тэрыторыі Крамля быў арганізаваны канцэрт для гледачоў, на якім былі паказаныя розныя нумары пад руска-народную музыку, а таксама выступілі розныя заслужаныя артысты Расеі. У цэлым ва ўрачыстых мерапрыемствах, прысвечаных сустрэчы і эстафеце алімпійскага агню, прынялі ўдзел больш за 50 тысяч чалавек.
Эстафета, якая з'яўляецца самай маштабнай з нацыянальных эстафеты алімпійскага агню ў гісторыі, стартуе 7 кастрычніка ў Маскве. Яна пройдзе праз 2,9 тысяч населеных пунктаў краіны, будзе доўжыцца 123 дня, агонь пераадолее больш за 65 тысяч кіламетраў. Завершыцца эстафета 7 лютага 2014 года ў Сочы, у дзень адкрыцця Гульняў.
Фота: newsfiber.com