20 студзеня 2022, Чацвер, 11:55
Сім сім, Хартыя 97!
Рубрыкі

Мікалай Аўтуховіч: Са здароўем усё нармальна

6
Мікалай Аўтуховіч: Са здароўем усё нармальна

Пасля працяглага перапынку пачалі даходзіць з гродзенскай турмы лісты ад палітвязня Мікалая Аўтуховіча.

У адным з іх ён, у прыватнасці, паведаміў, што атрымаў вясельны альбом ад сям'і Дашкевічаў, піша сайт ПЦ «Вясна».

«Вельмі рады за Насту і Змітра. Сэрца парадавалася ад шчаслівых твараў на гэтых здымках. Хоць нейкі пазітыў атрымаў у апошні час», - піша ён.

Палітвязень таксама паведамляе, што «са здароўем усё нармальна»: «Прашу тых, хто мяне падтрымлівае, не хвалявацца».

У сваім лісце Мікалай Аўтуховіч успамінае арыштаванага ўладальніка начнога клуба Юрыя Данькова: «Ён быў некалі ў апякунскім савеце і дапамагаў СІЗА №1 на Валадарскага ў Менску, мяняў там унітазы. А цяпер, значыць, сам сядзіць».

Ветэран афганскай вайны Мікалай Аўтуховіч быў асуджаны ў траўні 2010 года на пяць гадоў зняволення ва ўмовах строгага рэжыму за захоўванне пяці патронаў да паляўнічай вінтоўкі. У верасні стала вядома пра тое, што ў турме ён разрэзаў сабе жывот у знак пратэсту супраць незаконных дзеянняў адміністрацыі. Пасля гэтага ад асуджанага прадпрымальніка перасталі прыходзіць лісты.

Праваабаронцы прызналі яго палітвязнем, асуджаным за актыўную грамадскую дзейнасць і барацьбу з карупцыяй.