Футбаліст «Рэала»: Беларусы могуць зрабіць сюрпрыз

Напярэдадні матчу з беларусамі абаронца зборнай Іспаніі і мадрыдскага «Рэала» выказаўся адносна нашай каманды.

Абаронца зборнай Іспаніі Серхіа Рамас напярэдадні матчу адборачнага турніру чэмпіянату свету-2014 са зборнай Беларусі, які адбудзецца ў пятніцу, адзначыў, што каманда добра вывучыла суперніка, піша «Прессбол».

«Мы добра вывучылі суперніка. Верагодней усяго, беларусы будуць гуляць ад абароны, робячы стаўку на контратакі. Але гэта не значыць, што гэтая каманда не здольная зрабіць сюрпрыз. Але, калі зборная Іспаніі пакажа ўласцівы для сябе футбол, то пераможа», - прыводзіць словы Рамаса Marca.