17 чэрвеня 2024, панядзелак, 11:30
Падтрымайце
сайт
Сім сім,
Хартыя 97!
Рубрыкі

Андрэй Саннікаў на Reuters: Дыктатар зразумее толькі мову санкцый

32
Андрэй Саннікаў на Reuters: Дыктатар зразумее толькі мову санкцый

Спробы ўцягнуць беларускі рэжым у дыялог вядуць толькі да ўзмацнення рэпрэсій.

Лідар грамадзянскай кампаніі «Еўрапейская Беларусь» і былы кандыдат у прэзідэнты Андрэй Саннікаў, які нядаўна выйшаў з турмы ў роднай Беларусі, заклікаў міжнародную супольнасць увесці жорсткія санкцыі ў дачыненні да ўладаў ягонай краіны для таго, каб пакласці канец парушэнням правоў чалавека, паведамляе агенцтва Reuters (пераклад - charter97.org).

Саннікаў, былы намеснік міністра замежных спраў, быў асуджаны да пяці гадоў пазбаўлення волі ў 2011 годзе за ўдзел у акцыі пратэсту супраць фальсіфікацый прэзідэнцкіх выбараў, у якіх ён прымаў удзел. Ён быў наймацнейшым спаборнікам Лукашэнкі.

«Адзіную мову, якую разумее дыктатар - гэта санкцыі, - заявіў Саннікаў на канферэнцыі, якая прайшла ў Вене ў рамках сесіі ПА АБСЕ. - Кожны раз, калі міжнародныя арганізацыі і асобныя краіны змякчаюць сваё стаўленне да беларускага рэжыму, рэпрэсіі ўзмацняюцца».

Назіральнікі ад АБСЕ мяркуюць, што прэзідэнцкія выбары ў Беларусі былі сфальсіфікаваныя.

Саннікаў заклікаў да выгнання дэлегацыі беларускага «парламента» з ПА АБСЕ - адзінай буйной міжнароднай еўрапейскай арганізацыі, якая ўключае ў сябе былую савецкую рэспубліку.

«Мы павінны ставіць пытанне аб прыпыненні сяброўства Беларусі неадкладна», - сказаў Саннікаў.

Лукашэнка кіруе Беларуссю з 1994 года. Ён з'яўляецца выгнанцам на Захадзе праз жорсткае абыходжання з палітычнымі апанентамі, шмат хто з іх былі схопленыя і кінутыя ў турму.

Рэпрэсіі, якія разгарнуліся ў краіне пасля выбараў 2010 года, заахвоцілі Еўрапейскі Звяз увесці забарону на паездкі і замарожванне актываў у дачыненні да беларускага правадыра і ягонага найбліжэйшага атачэння.

Саннікаў адхіліў верагоднасць таго, што ўсялякія іншыя захады дапамогуць палепшыць сітуацыю.

«Мы бачым вялікую колькасць палітычных зняволеных сёння праз тое, што Еўрапейскі звяз пачаў далучаць дыктатара ў дыялог», - заявіў ён.

Саннікаў адседзеў у беларускай турме 16 месяцаў. Пасля выхаду на волю ён паведаміў, што адміністрацыя турмы катавала яго і спрабавала схіліць да ўчынення самагубства.

Ягоная жонка, журналістка Ірына Халіп, не здолела пакінуць Менск і разам з ім выступіць на канферэнцыі ў Вене праз абмежаванні, накладзеныя на яе з боку беларускай улады.

Напісаць каментар 32

Таксама сачыце за акаўнтамі Charter97.org у сацыяльных сетках