Чавэса можа змяніць выхадзец з Беларусі
63- 12.03.2013, 11:25
Новага прэзідэнта венесуэльцы будуць выбіраць 14 красавіка.
Чавэс яшчэ пры жыцці назваў сваім пераемнікам віцэ-прэзідэнта Нікаласа Мадуру. Другі кандыдат на прэзідэнцкую пасаду - апазіцыйны губернатар Энрыке Капрылес Радонскі, які на кастрычніцкіх выбарах саступіў Чавэсу ўсяго 10%, піша «Комсомольская правда в Беларуси».
Сваякі маці Энрыке Капрылеса Радонскі родам з Гарадзенскай вобласці.
Фота: Reuters
Капрылесу 39 гадоў, ён мільянер з беларускімі каранямі. Абодва прадзеды па кудзелі - выхадцы з заходнебеларускага горада Радунь. Яны загінулі ў канцлагеры Трэблінка. Бацькі Капрылеса здолелі выехаць у Венесуэлу і стаць на новай радзіме вельмі багатымі людзьмі. Яшчэ ў мінулым годзе Капрылес заяўляў, што як толькі прыйдзе да ўлады, спыніць венесуэльска-беларускае супрацоўніцтва.
