Удзельніка акцыі збілі за «волю Колю»

Плакат з патрабаваннем даць свабоду малодшаму сыну Лукашэнкі нёс адзін з удзельнікаў шэсця, якое прайшло сёння ў Менску.

Пасля стала вядома, што чалавек, які нёс плакат - актывіст Аб'яднанай грамадзянскай партыі Зміцер Кавалгін - быў затрыманы і збіты супрацоўнікамі міліцыі на скрыжаванні вуліц Веры Харужай і Максіма Багдановіча. Таксама пасля сканчэння акцыі былі затрыманыя яшчэ восем чалавек.

Вядома, што малодшы сын дыктатара Коля Лукашэнка суправаджае свайго бацьку амаль ва ўсіх замежных паездках. У сувязі з гэтым грамадскасць і лекары выказвалі занепакоенасць за псіхічнае і фізічнае здароўе хлопчыка.