Пажар на электрастанцыі ва Украіне: ёсць ахвяры

Праз аварыю на ЦЭС у Светладарску жыхары вымушаныя бегчы з горада.

Пажар на электрастанцыі пачаўся сёння ўдзень. У яго тушэнні задзейнічана 40 адзінак тэхнікі і 190 пажарных, паведамляе УНІАН.

Падчас ліквідацыі пажару на Углегорскай ЦЭС ратавальнікі знайшлі цела аднаго загінулага. Сіламі выратавальных падраздзяленняў з задымленай тэрыторыі выратаваныя 10 чалавек.Жыхары Светладарска Данецкай вобласці, дзе знаходзіцца электрастанцыя, імкнуцца пакінуць горад. Усе, у каго ёсць уласны транспарт, і хто можа пакінуць Светладарск, робяць гэта неадкладна, адзначае ўкраінскі сайт «Сегодня».

Са слоў жыхароў, у горадзе няма чым дыхаць, клубы чорнага дыму далей ахутваюць будынак. Акрамя таго, у Светладарску няма ацяплення, а ў многіх дамах пачаліся перабоі з вадой і святлом.Таксама жыхары Светладарску вельмі перажываюць за будучыню ЦЭС, таму што ўвесь горад жыве менавіта дзякуючы ёй, і пераважная большасць гараджан працуюць на станцыі. Усім ім сёння хацелася б, каб ЦЭС аднавілі, аднак яны непакояцца, што гэтага зроблена не будзе.