Улады прызналі экстрэмісцкім фільм «Беларусьфільма»

Ён пра Курапаты.

Згодна з абнаўленнем на сайце Міністэрства інфармацыі, у спіс экстрэмісцкіх матэрыялаў унесены савецкі дакументальны фільм «Дарога на Курапаты» кінастудыі «Беларусьфільм», на гэта звярнула ўвагу «Радыё Свабода». Рашэнне прыняў суд Ленінскага раёна Гродна 11 чэрвеня.

Як адзначана ў спісе, фільм быў размешчаны на YouTube-канале «Сергей». Экстрэмісцкім прызнаны як увесь канал «Сергей», так і асобныя відэа на ім, у тым ліку «Дарога на Курапаты».

Фільм быў зняты ў 1990 годзе рэжысёрам Міхаілам Жданоўскім. Сцэнар ён пісаў разам з вядомым журналістам Аляксандрам Лукашуком. У здымках і стварэнні фільма ўдзельнічаў Зянон Пазьняк, тады дэпутат. У 1980-х менавіта ён упершыню апублікаваў праўду пра Курапаты — пра тое, што ў урочышчы былі расстраляныя і пахаваныя тысячы або дзясяткі тысяч ахвяр сталінскіх рэпрэсій.

Фільм «Дарога на Курапаты» — дакументальнае сведчанне злачынстваў бальшавіцкага рэжыму супраць беларускага народа. У ім захаваныя паказанні сведкаў тых падзей, якія на момант здымак яшчэ былі жывыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com