Раман Вайніцкі мог пакончыць з сабой з-за растраты сродкаў ЕЗ?

Усё больш рэальнай здаецца не версія жорсткага забойства ў падвале, а інсцэнаванае самагубства.

Верагодная прычына - растрата грошай Еўрапейскага Звяза.

Газеце Lietuvos rytаs аб пакуль не пацверджаных высновах распавёў кіраўнік Віленскай паліцыі Кястуціс Ланчынскас. Паводле яго слоў, трэба дачакацца ўсіх вынікаў даследаванняў, піша ru.delfi.lt.

Узнікла версія, што смерць Рамана Вайніцкага, хутчэй за ўсё, было старанна падрыхтаваным самагубствам, а яго прычына - спроба пазбегнуць адказнасці за крадзеж грошай з сярэдняй школы ім. Францыска Скарыны, дзе ён працаваў заўхозам.

Нагадаем, што смерць Вайніцкага абрасла рознымі версіямі. Ён быў знойдзены раніцай 6 сакавіка. Аб няшчасці на вуліцы Капсу паведаміла 53-гадовая жонка загінулага. Яна знайшла мужа ў падвале шматкватэрнага дома.

Было пачатае дасудовае расследаванне.

Следчыя звярнулі ўвагу на тое, што перад смерцю, нібы прадчуваючы яе, Вайніцкі паклапаціўся пра сям'ю - заплаціў за год наперад за кватэру, па завяшчанні пакінуў кватэру сыну.

Раней згадвалася аб пагрозах па тэлефоне, пра якія казаў Вайніцкі. Праверка тэлефона нябожчыка не выявіла падазроных званкоў.

Таксама былі знойдзеныя доказы таго, што Вайніцкі сам купіў скотч, якім у падвале быў заклеены яго рот, каб гэта выглядала як забойства. Таксама дротам былі звязаныя ногі, а дрот падведзены да разеткі, што наводзіла на думку аб катаваннях.

Высветлілася, што адразу пасля здарэння дырэктар сярэдняй школы Галіна Сіволава не паведаміла, што дзейнасцю Вайніцкага зацікавіліся пракуроры, ён падазраецца ў фінансавых махінацыях. Аўдыт паказаў, што не хапае сродкаў, выдзеленых з фонду ЕЗ. Цень падазрэнняў упала на Вайніцкага, падазраецца, што ён прысвоіў грошы.