Рада ЕЗ абмяркоўвае пытанні «Усходняга партнёрства»

Рада міністраў ЕЗ па пытаннях замежных спраў у святле маючых адбыцца падзей абмяркуе пытанні «Усходняга партнёрства».

На парадак дня пасяджэння Рады, якое пройдзе ў панядзелак у Люксембургу пад старшынствам Вярхоўнага прадстаўніка ЕЗ па пытаннях знешняй палітыкі і палітыкі бяспекі, віцэ-прэзідэнта Еўрапейскай камісіі Кэтрын Эштан, вынесеныя, у прыватнасці, пытанні падрыхтоўкі маючага адбыцца пасяджэння міністраў «Усходняга партнёрства» (ліпень, Брусель) і саміта гэтай палітыкі (лістапад, Вільня), паведамляе «Інтэрфакс».

Напярэдадні пасяджэння высокапастаўлены чыноўнік ЕЗ паведаміў, што ў панядзелак Рада мае намер падрыхтаваць сустрэчу міністраў замежных спраў «Усходняга партнёрства», «аналізуючы сітуацыю ў розных краінах». «Мы павінны паглядзець, як мы можам падрыхтаваць дыскусію з нашымі ўсходнімі партнёрамі», - удакладніў ён.

У аспекце Віленскага саміту, па словах прадстаўніка ЕЗ, міністры будуць праінфармаваныя пра мінулыя перамовы па пагадненні аб асацыяцыі, у прыватнасці, з Украінай, і «як гэтыя розныя перамовы мы можам завяршыць у Вільні з тым, каб яны (пагадненні) маглі быць падпісаныя да гэтага часу».

Акрамя таго, міністры маюць намер абмеркаваць пытанні энергетычнай бяспекі і знешняй палітыкі з асаблівай увагай да паўднёвага калідору. Чакаецца, што ў дыскусіі возьме ўдзел еўрапейскі камісар па пытаннях энергетыкі Гюнтэр Отынгер. Таксама ў парадку дня былі абвешчаныя дэбаты па паўднёвым суседстве з фокусам на Сірыі і Лівіі.

Нагадаем, амбасадар Літвы ў Менску Эвалдас Ігнатавічус раней заяўляў, што пытанне аб прадстаўніцтве Беларусі на саміце «Усходняга партнёрства» ў Вільні восенню гэтага года пакуль застаецца адкрытым.

«Хто будзе прадстаўляць Беларусь на галоўным мерапрыемстве «Усходняга партнёрства» - сустрэчы ў вярхах - пакуль не вырашана. Гэта будзе агульнае рашэнне ЕЗ, адносна якога цяпер ідуць кансультацыі, яно будзе залежаць і ад агульнага кантэксту адносінаў Беларусі з ЕЗ», - заявіў ён.

Пры гэтым прэм'ер-міністр Літвы Альгірдас Буткявічус 18 красавіка сцвярджаў, што беларускі прэм'ер Міхаіл Мясніковіч, які знаходзіўся тады ў Клайпедзе, можа быць запрошаны на лістападаўскі саміт «Усходняга партнёрства».