Зміцер Лукашэнка вырашыў зарабіць на этыкетках
153- 3.04.2013, 11:51
«Прэзідэнцкі спартыўны клуб» настойліва рэкамендуе «Белдзяржхарчпраму» купляць этыкеткі толькі ў ПВУП «Першая ўзорная друкарня».
Немудрагелістая рэкламная кампанія ПВУП «Першая ўзорная друкарня», адзіным заснавальнікам якога выступае «Прэзідэнцкі спартыўны клуб», праводзіцца з дапамогай «рэкамендацый» першага намесніка канцэрна «Белдзяржхарчпрам» Г.Я. Чарняка (гл. фотакопіі, якімі падзяліўся чытач charter97.org).
Аказваецца, ПВУП «Першая ўзорная друкарня» абсталяваная найноўшым друкаваным абсталяваннем па вытворчасці этыкетачнай прадукцыі і зацікаўленая ў супрацоўніцтве і размяшчэнні на рэгулярнай аснове заказаў на вытворчасць сваёй прадукцыі на прадпрыемствах канцэрна «Белдзяржхарчпрам».
Менавіта таму кіраўнікі прадпрыемстваў канцэрна абавязаныя да 1 красавіка 2013 года ў пісьмовым выглядзе інфармаваць аб прапрацоўцы пытання па магчымым супрацоўніцтве з ПВУП «Першая ўзорная друкарня».
Дадаткова трэба падаць інфармацыю аб тэндэрах і ў выпадку, калі ПВУП «Першая ўзорная друкарня» удзельнічае ў тэндэры, паведаміць пра гэта, а таксама прычыну, па якой выбраны іншы пераможца тэндэру.
Прэзідэнцкі спартыўны клуб - рэспубліканскае дзяржаўна-грамадскае аб'яднанне, створана ў ліпені 2005 года для падтрымкі фізкультурна-аздараўленчага руху ў краіне. На справе, арганізацыя існуе толькі для працаўладкавання Змітра Лукашэнкі, сярэдняга сына беларускага кіраўніка, пад дахам якой ён і яго кампаньёны займаюцца бізнесам.